Joint Committe chuan, "Chhiahtlang khuain Samagra Shiksha hnuaia Chhiahtlang Senior Secondary School kan neih mekah Principal Incharge ni lai V. Lalmalsawmi chu Explanation Call awm miah loa Principal Incharge a nihna hlihsak a nih chungchangah Chhiahtlang MSU, MZP leh Zirlai Nu leh Pa Joint Committee-in a rel angin Serchhip DEO, State Project Director (SPD), Bialtu MLA leh Education Minister-te dawr vek a nih hnuah hun eng emaw chen nghah a ni a, chhanna min pek theih loh avangin Zirlai Pawl leh Nu leh Pa Joint Committee thu chhuak angin August ni 11, 2025 (Thawhtanni) atangin thu leh awm hma chu Nu leh Paten kan fate School kan kaltir dawn lo tih kan in hriattir e," an ti.

"V. Lalmalsawmi hian Principal In-Charge la leh ngei se kan duh a, explanation call pawh awm miah loa hetianga Principal Charge lakna inhlihsak tawp mai hi hun kal zel turah School tan leh Charge la leh zel tur tan pawh a tha dawn lo nia kan hriat avangin he kan buaina hi thu neitu sangten min chin fel sak thuai turin kan beisei". tiin an thuchhuah ah tarlan a ni.